Ritmos & Poesias, é um prugrama di HIP HOP edukativu y informativu. Se objetivu é transmiti mensajem puzitivu pa tudu faixa etária, desdi kriansa ti maz grandis ku um Kontiudu y tematika diresionadu pa inxina y eduka nos ser, u ki ta kontribui pa dizenvolvimentu di sodiedadi a nível di EDUKASOM, KOMPORTAMENTU y IDENTIDADI. Na kada prugrama um tema ta sirbi di bazi y tudu muzika y puezia ki ta pasa é relasionadu ku kel tema.
Um di kes motivu di kriasom di Ritmos & Poesias é mostra kuzé ki na verdadi signifika HIP HOP, trá kel imajem negativu ki djes pol a nível sosial; mostra povu, nos kontinenti Afrikanu; da um alternativa; um solusom, pa munti di kes problema ki sta ta kontisi atualmenti. Kel programa li é sem duvida um prova vivu, di modi ki muzika rap podi ser uzadu, um feramenta di intervensom susial.
Ekipa di Ritmos & Poesias é unidu y é formadu pa ABRAÃO y MC KRUJA na aprizentasom y na ária di som, tem kolaborasom di BATCHART.
Programa é simanal, transmitidu tudu DOMINGO pa 13h, na RCV+ (95,5 FM) y tem repitisom tudu QUINTA FERA pa 21h. Podi sisti també na internet. Nhos sintuniza.
Fonte: Batchart
Sem comentários:
Enviar um comentário