Foi na dia 24 di Outubro ki Praia tevi si primeru noti di Hip Hop na discoteca Cockpit. É sinal ma Hip Hop Kriolu sa ta kria y sa ta konkista si ixpasu kada bez maz. Tudu tem si tempu y kenha ki tem virtudi si pasiensia ta spera si bez txiga. Keli foi um porta ki abri naun so na Cockpit ma també na kualker ixpasu di diversom pa grupus ki sta fazi Rap a sériu. Dentu di kontextu di promovi Hip Hop na meiu di sosiedadi di Cabo Verde, Fidjus di Cabral, ki sta na Cabo Verde ta promovi ses trabadju maz risenti (Cicatriz Radio), trazi um mensajem pozitivu pa djuda promovi Hip Hop Kriolu. "4 da Love of Hip Hop" é slogam ki sta na bazi di tudu es kampanha.
Foi um noti kampion di Hip Hop Kriolu ku Fidjus di Cabral komu kabesa di kartaz ku República ku Pex na rap y Dj Letra, ki anima lugar ku old-school rap, komu konvidadus inda ku Afro Kaskuz na breakdance y Dj Wall Gee ta akompanha Dj Ivan (rizidenti).
Prizensa di publiku foi forti y djuda na ixpetakulu ku ses vibrasom dipoz di kada atuasom. Cockpit staba ku kaza xeiu di amantis y simpatizantis di Hip Hop ki vibra y dexa lugar "kuazi ta spludi" di diliriu y "power" num noti ki debi ripitidu sempri dentu di kapital.
Tudu "4 da love of Hip Hop". Inda tevi tempu pa Bizzy ku Dudu fazi um graffity pa marka es noti na porta di discoteca Cockpit.
Em brevi nhoz ta podi odja videos dez eventu. Ka nhoz perdi. Tudu em nomi di "Um Hip Hop Kriolu di Kualidadi".
DodunaHipHop sta li sempri pa divulga tudu atividadi relasionadu ku Hip Hop Kriolu. Kontatu dja sta fetu nu ta spera nhoz inisiativa pa divulga nhoz som, nhoz video, nhoz show, nhoz grupu.
