Tem pesoas ki ta markanu pa sempri y també tem mumentus ki nu ta grava na noz (tipo A.C y D.C.), pa ixtabilesi um linha di tempu. Um di kez foi, pur izemplu, kantu n'obi Rap pa primeru bez. Snoop Dogg, ku kel album (si midjor) Doggy Style), el ki "lansam" pa mundu di Rap. Otu di kez momentu foi kantu n'obi Gabriel o Pensador, "Tô Feliz Matei o Presidente" fazem tem maz nusom di puder kritiku y interventivu di Rap. Pa konxsensializa povu ku problemas di sosiedadi. Pa mi Rap é kela, "Voz di Povo" rapper 'é "Voz di Rua". Otu di kez mumentu importanti komu apresiador di Rap foi kantu n'obi Bone Thugs-n-Harmony (BTNH). Djan staba kansadu di "Same Shit", "Same Song", obi BTNH sima ki abri um novu porta. Kel flow, kel melodia, kel ritmo. Tudu. Ma komu nem tudu ke bom ta dura sempri, grupu tevi susesu dimaz, ku prinsipal nomis di Rap ta fazi muzika ku partisipasom di BTNH ou ku algun di ses elementu. Si n'ka sta enganadu, foi uniku grupo ki fazi muzika ku Biggie, Tupac, Fat Joe y Eazy-E, kantu es staba vivu. Grupu pasa pa fazi di separasom y gosi es sta pripara regresu ku lansamentu di novo album, Uni5: The World's Enemy, ku tudu membru djuntu, Krayzie, Layzie, Bizzy, Wish y Flesh. Lansamentu é pa 22 di dezembro. Pa pripara es novu entrada grupu da um konferensia di imprensa dia 22 di outubro ku tudu 5 membros djuntu. Pa sabi tudu storia di grupu odja es video na youtube (parti 1, parti 2, parti 3, parti 4, parti 5, parti 6, parti7)
3 comentários:
Bone Bone. Nsa spera nhos cd sai. si nhos bem cu kes patipatida di fazi som soft sima kel cu Bow Wow, nta poi nhos pa la. Alias nos nu ta poi munti expectativa na nos artistas, oras kes ta merdia nu ta fica desiludido. mesmo cusa cu DMX, so é patipati npol pa la dum bez.
See Me Shyne sta suave. ma es mesti trazi kel "THUGISH RUGHISH BONE" shit
Bone Bone, dja dura kin sta speraba kel Reunion di Familia. nta spera ma nhos ta fazi bom cd. ago si nhos bem cu kes fuckin son sima kel cu bow wow e mariah carey, nta poi nhos pa la...
Expectativa sta alto. mundo intero sa spera kel ki nhos tem pa fla.
Nhos mesti bem cu kel Thugish Rughis Bone Bone tipo di som.
Pa kel ki djam odja y obi des na ultimos dias. es sta volta pa esensia ma ku otu atitudi pa trazenu kel novidadi kez trazeba kantu es sai. sta prometi.
Enviar um comentário