RITMOS E POESIAS - RCV+

Ritmos e Poesias (ReP) é um programa ki ta da na RCV+ tudu domingo a partir di 13:00 di tardi ku ripitisom kinta fera. Ami n'ta obil online atravez di radiosonline.sapo.cv, ReP é um programa ki ta alterna puezia ku hip hop, já ki isensia di hip hop é puezia. Nu ta obi programa tudu na kriolu, ku deklamasom di pueziaz di autoris afrikanus y nao só, ku entrivistas di puetaz y rappers, pa fala di ses muzika ki kumpanha emisom, desdi merkanu, angolanu, tuga y kriolu. Embora kel alternansia di poesia ku muzika sta bem pensadu, deklamasom di pueziaz mesti ser maz trabadjadu. Programa li é um grandi konkista pa amantis di rap y autoris ki tem um ixpasu pa leba mensajem puzitivu di hip hop y kaba ku prekonseitu negativu di Hip Hop. Nhoz obi. Nhoz da nhoz opinion pa midjora programa. N'ta manda li props pa RCV+ y paz pa autoris y aprizentadoris di Ritmos e Poesias.