Pa mostra ma movimentu Hip Hop Kriolu ka sta para, pelu kontrariu, sta so ta silera pasu, n'tem prazer di anunsia y divulga maz um janela pa ez movimentu ke mutu maz ki muzika.
Benvindus a "Voz di Rua"
Um redi social y kaza di kultura di Hip-Hop Kriolu.
Un redi di Hip-Hop Caboverdianu, undi nu ta promovi y divulga musikas, rimas, puesias y letras sen sensura.
Diretamenti di ruas di tudu ilhas di Cabo-Verde( ka so kes 10, mas tudu kumunidadi Caboverdianu y Afrikanu) pa Mundu!
Tudu pesoas ki ta sta en kontatu ku nos kultura di Hip-Hop Caboverdianu, diretu ou indiretamenti, seja artistas di Rap, Dj.,skritoris (di grafitty), dansarinus-di-break, prudutoris, skritoris di puesias ou konsumidoris (Fans), é benvindus a ez redi di Voz di Rua.
Bu podi:
kria bu pagina
fazi bu perfil
poi bus fotus
poi bus musikas/vidius (si abo e un artista musikal)
fazi amigus
poi kumentarius
obi kes ultimus novidadis di Hip-Hop kriolu
da bu voz ruvlusionariu
entra en kontatu ku bu artista favoritu (si bo e un fan).
konsulta:
"Novus Enpresarius/Novus Bizniz"
"Voz di rua-Bibluteka"
"Storia di nos Historia"
"forun Pa lavra"
chat
Regista, participa, kurti, divulga, konvida y da bu voz...di rua!
BU VOZ RUVLUSIONARIU!!!
Sem comentários:
Enviar um comentário