Cabotuga (1) é um grupo ki foi kriadu pratikamenti na menus ki 1 ano atraz pa 2 jovens talentu "M'Jack & kamigue". "KamiGue" nasidu e kriadu na bersu di margem sul, cidade di Lisboa (Portugal), na meiu di txeu jovens ku talentu i paxon pa hip hop. Desdi rapazinhu "KamiGue" sempri tevi um sonhu di um dia ser uns di kes soldadu di Rap na HipHop Tuga.
"KamiGue" ta pasaba si noti djunto ku amigus na rua na freestyle. Na 2006/07 "KamiGue" dja ta fazeba parti di grupu Soulrhymes ki era formado pa 3 elementos (Séven, Abençoado & Kamigue ) undi ke consige grava so 3 musika na grupu pamodi "KamiGue" tevi ki dexa si tera natal pa emigra pa Holanda djunto ku si pais a prokura di um vida midjor. Txiga Holanda, 2 mes dipoz "KamiGue" tevi ki infrenta eskola e foi dai ke conxi M'Jack, um jovem Caboverdiano ki nasi e kria na sidade di assomada (Cabo Verde) ki tambe ta andaba na musika djunto ku si irmon mas grandi (Jay-P), na grupu SP (Staty Proprety) . Mas difikuldadi era txeu na grupu e apoiu era poku por iso M'Jack, ka txiga di fazi gravasom na Grupu, mas e partisipa na alguns konsertu di grupu i koncursu rap ki di ves em kuantu ta realizada na cidade di assomada. Mas pa mesmus razom e tevi ki dexa si tera e emigra pa Holanda a fim di vivi na ladu di si mae e familia ki dja ta viveba na rotterdam e kontinua si studu li na Holanda.
M'Jack & Kamigue es kumesa ta conxi pontu di vista di kada um em relasom a musica, i es analiza coneksom entre HipHop Tuga e Rap Criolo, ate ki um dia es resolvi na fazi um musica djunto, e foi dai ki tudo kumesa ate hoje. Antis di 3 mes di trabadjo djunto, M'Jack & Kamigue lansa um Mixtape "NOVO ERA" ku 12 musika nada kumersial mas so pa tenta mostra kual e mensagem ki es teni na kabesa e vison pa musika, mas mesmo assim tevi bue suceso li na rotterdam e tambe kuazi na tudu Ghettos di Tuga. kenha ki sta interesadu na mixtape podi fazi download na www.palcoprincipal.com/cabotuga.Em brevi cabotuga sta bem lansa mas um mixtape di titulo "3IDentidade" ki sta bem partisipa txeus artistas nao so di rotterdam mas tambe di Portugal e Cabo verde.
Pa mas info visita:
www.myspace.com/kabotuga
www.imeem.com/cabotuga
Sem comentários:
Enviar um comentário